FREDY MEDIA

KWA HAYA ALIYOYAONGEA RAIS MAGUFULI YASIPUUZWE

Na yasin shabani

Rais wa jamhuri ya muungano wa Tanzania wakati anafungua majengo mawili ya mashirika ya mifuko ya hifadhi ya jamii NSSF na PPF mkoani Arusha alizungumzia mambo mbalimbali yanayohusu maslahi ya Taifa ikiwemo kukuza uchumi wa nchi na upatikanaji wa ajira kwa vijana.

Rais magufuli aliitaka mifuko ya hifadhi ya jamii kuwekeza zaidi katika viwanda ili kutoa nafasi za ajira kwa vijana kuliko kuendelea kujenga majengo makubwa na ya gharama kubwa ambayo hayana msaada  au faida kwa mwananchi wa kawaida.

Rais wa jamhuri ya muungano wa tanzania Mh joseph pombe magufuli

Rais alisema kuwa majengo yanayojengwa na mashika hayo mara nyingi yamekuwa hayawanufaishi wananchi wa kawaida na ukizingatia ujenzi wake unatumia mabilioni ya pesa na yanakuwa hayana wapangaji kutokana na bei zao kutokuwa raffiki kwa wananchi walio wengi kwa kuwa vipato vyao ni vidogo na haviwaruhusu kumudu gharama za kupanga kwenye majengo hayo.

Rais hakuishia hapo aliendelea kuzungumza na kuwataka wabadilike na waache kuwekeza katika mambo ambayo hayawasaidii wananchi badala yake waweke nguvu zao katika uwekezaji wa viwanda ili viweze kuwasaidia watanzania pamoja na kukuza uchumi wa taifa na kuacha kuwa tegemezi.

Rais alisema kuwa ni aibu kubwa kwa nchi kama hii ambayo imejaa raslimali nyingi haina viwanda na kukaa kutegemea bidhaa ambazo zitokanazo na vitu vya hapa nchini zinazotengenezwa nje ya nchi hali ya kuwa malighafi yamechukuliwa hapa kwetu.

Pia rais alitoleamfano baadhi ya maeneo kama Tanga ambapo amesema kuna matunda mengi wangeweza kujenga kiwanda cha kusindika matunda na maeneneo ya mikoa ya kanda ya ziwa kuna pamba inalimwa kwa wingi na wangeweza kujenga kiwanda cha nguo na kuwasaidia wakulima kuwa na soko la kuuzia pamba yao kiurahisi kuliko kusubiri kusafisha kwa umbali mrefu au kulanguliwa au kukopwana serikali mwishowe kuishia kudhulumiwa.

Hata hivyo alitolea mfano mwingine ambapo alisema kuwa Tanzania ni nchi yenye mifugo mingi sana na katika nchi za bara la Afrika inashika nafasi ya pili yakuwa na mifugo mingi ikiongozwa na Ethiopia na Sudan ikiwa ya tatu na kusema kuwa cha kushangaza tanzania hakuna hata kiwanda cha ngozi ambayo ingetumika kutengenezea viatu, mikanda na kadhalika na kusaidia kutoa ajira kwa watanzania na kumnufaisha mfugaji kwa kuuza ngozi ya mnyama wake.

Kutokana na maneno aliyoyaongea Mh. Rais wa jamuhuri ya muungano wa Tanzania tukiangalia kwa undani yana umuhimu mkubwa sana katika ukuaji wa uchumi wa nhi yetu na ni jambo jema kwa kuliona hili kwani uchumi wa taifa lolote lile hauwezi kukua bila kuwa na viwanda ambavyo vinazalisha bidhaa.

Na viwanda hivi vinakuwa na faida nyingi licha ya kutengeneza bidhaa kwa mfano kiwanda cha suukari kinakuwakinawasaidia wananchi kupata sukari ya ndani,kiwanda cha ngozi,kiwanda cha kusindika juisi, pia vinakuwa vinamsaidia mkulima wa miwa kuwa na uhakika wa kupata soko,mfugaji kuuza ngozi na kufurahia kazi yake ya ufugaji na pia kinatoa fursa za ajira kwa vijana ambao wanazagaa mitaani kwa kukosa kazi

Haya maneno aliyoyasema rais yana umuhimu na si ya kuyachukulia kiuepesi kuwa hii mifuko ya hifadhi ya jamii pamoja na mashirika mengine watumie elimu zao kama rais alivyosema ili wabadilishe mwelekeo na kuacha kuwekeza katika mambo ambayo hayawanufaishi wananchi ni kama anasa na badala yake wajenge viwanda na kuwaajiri watanzania na kupunguza wimbi la ukosefu ajira nchini.