FREDY MEDIA

NANI KAMA JUMA ABDULI JAFFARI

Na Yasini Shabani

Unapozungumzia mabeki wanaotisha kwa kipindi hiki hapa nchini Tanzania huwezi kumuacha mlinzi wa kulia wa Mabingwa watetezi na vinara wa ligi kuu soka Tanzania Bara Dar es salaam Yanga Africans  simwingi bali ni Juma Abduli Jaffari

Mlinzi huyu wa kitanzania alijiunga na Klabu ya Dar es salaam Yanga Africans akitokea klabu ya Mtibwa Sugar ya Turiani mkoani morogoro ni mara baada ya kuonyesha uwezo wake wa kucheza soka na dipo kupelekea uongozi wa wanajangwani hao kuamua kumpa mkataba wa kuitumikia Yanga kwa mashindano mbalibali.

Juma Abduli akiwa anapata maelekezo toka kwa kocha wake

Juma Abduli alipofika jangwani alikumbana na upinzani mkali wa kuwania namba katika kikosi cha kwanza cha mabingwa hao wa kihistoria hapa nchini na barani Afrika kwa ujumla wakipambana vikali na  Mwanda Mbuyu Twitte ambaye alikuwa katika kiwango cha juu kabisa na kila mmoja akitaka kumuweka mwenzake benchi.

Licha ya kupata upinzani huo kutoka kwa Mbuyu Twitte Abduli pia alikumbana na majeruhi ambayo yalimuweka nje ya uwanja kwa muda mrefu na kumpelekea kuhatarisha kuua kiwango chake na kurudi katika kikosi cha kwanza cha mabingwa hao.

Baada ya kukaa nje ya dimba kwa muda mrefu  Abduli alipopona majeraha yake alirudi uwanjani akiwa katika kiwango bora na kumpa wakati mgumu kocha wake kushindwa kujua nani amnzishe na nani akae benchi kutokana na walinzi hao wote kuonekana wanauwezo wa kuimudu nafasi hiyo ya pembeni.

Kadri muda unavyozidi kwenda Juma Abduli alifanikiwa kumnyang’anya namba Mbuyu Twitte ambaye anaonekana kuwa na uwezo wa kucheza nafasi nyingi uwanjani pamoja na kusifika kwa kurusha mipira mirefu inayofananishwa na kona.

Kwa kipindi hiki Mlinzi huyu amekuwamsaada mkubwa sana kwa mabingwa wa ligi kuu soka Tanzania bara na kuiwezesha timu yake kushika usikani na katika michezo ya kimataifa na kuifikisha kufika fainali ya kombe la shirikisho linaloandaliwa na Azamu.

Licha ya kucheza eneo la mlinzi wa pembeni kulia(Right fullback) upande wa kulia pia ana uwezo mkubwa wa kunzisha mashambulizi akitokea nyuma na kupiga mpira ya krosi na kukutana na washambuliaji Amisi Tambwe na Donald Ngoma ambao wamekuwa wanaitumia vizuri kwa kufunga magoli.

Pia ameweza kuibeba Yanga katika michezo mbalimbali ukiwemo dhidi ya  Azam ambapo alifunga goli la kusawazisha kwa shoti kali na mchezo ulimalizika kwa sare ya 2-2,dhidi ya APR ya Rwanda mchezo wa ligi ya mabingwa barani Afrika alifunga kwa mkwaju mkali wa adhabu ndogo na kuipa timu yake bao la kuongoza na baadae Ngoma kufunga la pili kabla ya wenyeji kupata goli la kufutia machozi.

Mchezo mwingine ni wa klabu bingwa Afrika dhidi ya waarabu wa Al ahal ya misri ni pale alipotoa basi murua ambayo ilimkuta Donald Ngoma na kuuweka mpira nyavuni na ni goli la kusawazisha kwa upande wa Yanga lakini mcherzo huo ulimalizika kwa Yanga kupoteza  kwa  mabao 2-1.na waarabu hao wenye historia kubwa barani Afrika.

Hii ni moja ya somo kwa wachezaji wa kitanzania wanaochipukia kuiga mfano wa Juma Abduli kwa kutokata tamaa kwani tumekuwa tukishuhudia wachezaji wengi wakiibuka na kupotea kwenye ulimwengu wa soka .Vijana wetu wamekuwa wakishindwa kufikia malengo yao kwa kukata tama kitendo ambacho ni hatari kwa maisha ya mchezaji mwenye umri mdogo.

KWA HISTORIA ZAIDI YA JUMA ABDULI KUHUSU MAISHA YAKE YA MPIRA WA MIGUU USIKOSE MAKALA IJAYO HAPA