FREDY MEDIA

JE UNAIJUA  KLABU INAYOIBUA VIPAJI HAPA NCHINI?

Na Yasini Shabani

Mpenzi msomaji wa safu hii ya makala ya michezo na wachezaji leo inajikita kwa kuangalia klabu inayoibua vipaji vya wachezaji chipukizi na wanakuwa msaada mkubwa katika timu ya taifa ya Tanzania.

Kabla hatujaanza kuangalia klabu inayotoa wachezaji wazuri hapa nchini kwanza tuanzie kule kunako ligi kuu ya uingereza ambayo ndio ligi kuu maarufu  duniani ukilinganisha na ligi zingine kama seria A,ya italia,Bundasliga,ya ujerumani,Laliga ya Hispania,League one ya ufaransa na ligi zingine dunianiani.

Klabu nyingi za uingereza zimekuwa zikitumia kiasi kikubwa cha fedha kwa ajili ya kununua wachezaji mazuri ili ziweze kufanya vizuri katika mashindano mbalimbali ikiwa ni pamoja na ligi kuu nchini humo na michuano ya klabu bingwa barani ulaya (UEFA CHAMPION LEAGUE).

Licha ya vilabu hivyo kutumia gharama kubwa kwa kufanya usajili lakini Arsenal ndio klabu pekee inayotumia kasi kidogo cha fedha kwa ajili ya usajili kwa kuwa inanunua wachezaji wenye umri mdogo na ambao bado hawajawa mastaa na pindi wanaonekana kuwa wazuri wanawauza kwa bei kubwa.

Na hii imekuwa ikiipa Arsenal faida kubwa kutokana na mauzo ya wachezaji hao na pesa hizo kutumika kwa mambo mbalimbali yanayohusu klabu ikiwa na pamoja na kufanya usajili mzuri.

Hapa nchini Tanzania huwezi ukazungumzia klabu inayozalisha vipaji vya wachezaji bila kuitaja klabu ya soka ya Mtibwa Sugar ya mkoani Morogoro na inamilikiwa na kiwanda cha sukari cha Mtibwa.

Klabu hii ambayo tangu kuanzishwa kwake mnamo mwaka 1988 na mwaka 1989 ikashiriki ligi ya wilaya na kucheza ligi kuu mnamo mwaka 1996. Pia klabu hii imewahi kutoa taji la ligi kuu bara mara mbili mfululizo.

Mtibwa sugar kama anavyopenda kusema msemaji wake Tobias Kifaru ni kituo cha kunoa wachezaji wa zamani na wapya msemo huu unajidhihirisha kwamba mtibwa sugar ndio kituo cha kunoa wachezaji wapya na wazamani pale tunapoona inaibua vipaji ambavyo vilikuwa havijulikani.

Tumekuwa tukishuhudia wachezaji wengi chipukizi wanatoka Mtibwa na wanapoonyesha uwezo wao wamekuwa wakinunuliwa na klabu za Yanga FC,Azam FC na Simba Sc na hatimaye kuitwa katika kikosi cha timu ya Taifa.

Miongoni mwa wachezaji waliowahi kupitia Mtibwa sugar na baadae kujiunga na vilabu vingine ni mlinzi wa kulia wa Yanga Juma Abduli,Ame Aly Zungu wa Azamu,Shabani Kado,Musa Mgosi,Yusufu Macho,Mau Mkami,Said Mkopi,Salum Mayanga,Mecky Mexime,Salum Swedi na  nyota wengine wengi waliowahi kutamba na wakata miwa hao.

Pia Mtibwa ndio klabu pekee hapa nchini yenye uwezo wa kufufua viwango vya wachezaji ambao wanaonekana uwezo wao wa kusakata kabumbu kushuka na kurudi tena wakiwa na kiwango cha hali ya juu kabisa na baadae kuitwa timu ya taifa.

Hao ni baadhi ya wachezaji wa mtibwa sugar wa kijiandaa kucheza mechi

Wafuatao ni baadhi ya wachezaji ambao walionekana viwango vyao vimeshuka na waliporudi mtibwa wakawa tishio tena kwa wapinzani wao ni Said Bahanuzi akitokea Yanga,Musa Hassani Mgosi akitokea Dc mtema pembe ya DRC,Husseni Javu,Vicent Barnabas  na mlinda mlango Said Mohamedi wote wakitokea Yanga,Issa Rashidi(baba ubaya) na Henry Joseph Shindika wote wakitokea Simba.

Licha ya klabu hii kujikita  kuinua vipaji vya wachezaji chipukizi na wa zamani pia inajali sana kuwa na wachezaji wazalendo na mara nyingi wanawaajiri makocha wazalendo na waliowahi kuchezea mtibwa kuliko walimu wa kigeni.

Pia Mtibwa sugar ni klabu pekee Tanzania ambayo haijawahi kushuka daraja tangu kuanzishwa kwake mnamo mwaka 1988 ukiziacha klabu mbili yaani Simba na Yanga kwani zipo timu ambazo zilionekana ni tishio kwa soka la hapa nyumbani kwa miaka ya nyuma lakini zilishuka daraja na kupotea kabaisa katika ramani ya mpira wa miguu.

Miongoni mwa klabu hizo ni kama Mji mpwapwa,Kahama united ya shinyanga,CDA ya Dodoma,Tukuyu stars ya mbeya,Kariakoo lindi,Reli ya Morogoro,Pamba ya Mwanza na vilabu vingine ambavyositaweza kuvitaja vyote hivi ni baadhi tu.

Huu uwe ni mfano wa kuigwa na vilabu vikongwe yaani Simba na Yanga wanainua vipaji vya wachezaji wa jitanzania na kuacha kukimbilia kutumia gharama kubwa kwa ajili ya kununua wachezaji wan je ya nchi na wanakuwa na uwezo sawa na hawa wa ndani ya nchi.