FREDY MEDIA

MAHAKAMA YA AFRIKA YA HAKI ZA BINADAMU YAFIKISHA MWAKA TANGU KUANZA KWAKE.

Na Jenesta Zedekia.

Mahakama ya Afrika ya haki za binadamu mkoani Arusha  imeazimisha kilele cha maadhimisho ya wiki ya wanawake duniani mapema wiki iliyopita  kwa kuwataka wanawake kuweza kufika katika vyombo vya sheria ili kuweza kutambua haki zao za msingi katika jamii.

Awali akifungua semina hiyo ambayo imewajumuisha wananchi mbalimbali wakiwemo wanawake katika mahakama ya Afrika ya haki za binadamu mkoani hapa Raisi wa mahakama hiyo Jaji Agustino Ramadhani alisema mahakama itahakikisha wanawake wanafurahia haki zao za msingi kwa kuhakikisha wanafuata itifaki za mahakama.

Nao baadhi ya wanawake ambao pia wanajishughulisha na masuala ya kisheria akiwemo mkurugenzi wa jumuiya ya wanasheria Zanzibar Jamila Muhamudu pamoja na Edda Barnabas ambaye ni mkurugenzi wa shirika la Tanzania women children wolfie centre walisema kuwa wanawake waweze kuwa na muamko wa kujua haki zao za msingi hususani kwa wale wanaoishi maeneo ya  vijijini huku wakidai wanahitaji kuwa hamsini kwa hamsini katika jamii zinazo wazunguka.

“kutokana na kauli mbiu ya mwaka huu inavyosema wanawake tuweze kuwa hamsini kwa hamsini katika jamii basi tuweze kuwa mstari wa mbele katika kuinua pato la nchi kiuchumi na kiutamaduni ili kuwa mfano bora kwani wanawake ni jeshi kubwa katika jamii”.Alisema Jamila Muhamudu.

 Nao wadau mbalimbali wa sheria jijini Arusha walioudhuria katika semina hiyo akiwemo mwanasheria wa kujitegemea ambaye pia ni mwenyekiti wa chama cha wanasheria kanda ya Arusha Modest Akida  walieleza umuhimu wa mwanamke kujua haki zake na kuzifuatilia ili kuweza kuzienenda katika jamii.

“kwanza niseme wanawake ni jopo kubwa katika jamii zetu isipokuwa hawajiamini wanapopatwa na matatizo wanaogopa kufika katika vyombo vya sheria ndipo wanajikuta wananyimwa haki zao katika jamii hususani katika ndoa zao”Alisema Akida.

Kilele cha maadhimisho ya wiki ya wanawake duniani ufanyika kila ifikapo March,8 kila mwaka ambapo wiki iliyopita  maadhimisho hayo yalifanyika katika mahakama ya Afrika ya haki za binadamu mkoani Arusha ambapo pia ni miaka kumi tangu kuanza kwa mahakama hiyo.